• Diaspor rəhbəri Misir parlamentində görüş keçiribDiaspor rəhbəri Misir parlamentində görüş keçirib
  • Soydaşımız Qazaxıstanda yüksək fəxri ada layiq görülübSoydaşımız Qazaxıstanda yüksək fəxri ada layiq görülüb
  • Moskva vilayətində Heydər Əliyevin vəfatının 14-cü ildönümü ilə bağlı anım mərasimi keçirilibMoskva vilayətində Heydər Əliyevin vəfatının 14-cü ildönümü ilə bağlı anım mərasimi keçirilib
  • Ulu Öndərin vəfatının ildönümü Kiyevdə qeyd olunubUlu Öndərin vəfatının ildönümü Kiyevdə qeyd olunub
  • Misirdəkİ Azərbaycan diasporu ümummilli liderin xatirəsini anıbMisirdəkİ Azərbaycan diasporu ümummilli liderin xatirəsini anıb


KANADA AZƏRBAYCAN TƏŞKİLATLARI FEDERASİYASININ TƏSİS KONFRANSI


 

Kanada Azərbaycan Təşkilatları Federasiyasının təsis konfransı
 
    2005-ci il aprelin 16-da Kanadanın Toronto şəhərində Kanada-Azərbaycan əməkdaşlıq Assosiasiyası, Azərbaycan Təhsil və Mədəniyyət Mərkəzi, Kanada Azərbaycan Qadınları Assosiasiyası, Azərbaycan-Kanada Dostluq Cəmiyyəti, Kvebek Azərbaycanlıları Assosiasiyası, Ontario Azərbaycanlıları Cəmiyyəti, Kanada Azərbaycan Alyansının iştirakı ilə
Azərbaycan təşkilatları Federasiyasının ilk təsis konfransı keçirilmişdir.
    Konfransda Kanada Azərbaycan Təşkilatları Federasiyasının yaradılmasının əhəmiyyətindən, məqsədlərindən danışılmış və Azərbaycan diaspor quruculuğu problemlərinin həlli istiqamətində atılacaq addımların səmərəliliyini təmin etmək üçün Kanadadakı cəmiyyətlərin vahid bir mərkəzdən fəaliyyət göstərməsinin vacibliyi vurğulanmışdır.
    Konfrans iştirakçıları Azərbaycan icmalarının fəaliyyətini koordinasiya edən yeni qurumun yaradılması işini alqışladıqlarını bəyan etmişlər. İştirakçılar Federasiyanın yaranmasını təqdirəlayiq hadisə hesab etdiklərini və təşkilatların mərkəzləşdirilmiş şəkildə fəaliyyət göstərməsinin ümumi məqsəd və amallara nail olmaq üçün münbit şərait yaradacağına əminliklərini vurğulamışlar.
    Konfrans iştirakçıları yeni yaranan Federasiyanın Kanadadakı Azərbaycan diasporunun getdikcə güclənməsində, təşkilatlanmasında və beləliklə də cəmiyyətlərin fəaliyyətinin pərakəndəliyinə son qoyulmasında, Azərbaycan həqiqətlərinin Kanada ictimaiyyətinə düzgün çatdırılmasında mühüm rol oynayacağını bildirmişlər.
    Konfransda çıxış edən Türk diasporunun nümayəndələri Azərbaycan icmalarının vahid mərkəzdən idarə olunmasının zəruriliyini vurğulayaraq, türk icmalarının həmin federasiyaya dəstək verəcəklərinə hazır olduqlarını bəyan etmişlər.
    Aparılmış müzakirələrin nəticəsində konfrans iştirakçıları Federasiyanın yaranması ilə bağlı Bəyannamə imzalamışlar. Konfransın sonunda qurumun Nizamnaməsinin hazırlanması, qeydiyyatı və ilk qurultayına hazırlıq işləri idarə heyətinə həvalə olunmuşdur.
   Təsis konfransının qərarında ölkəmizin iqtisadi inkişafının sürətləndirilməsində Azərbaycan icmalarının potensialından da istifadə edilməsi, dilimizin, milli mənəvi dəyərlərimizin yaşadılması və təbliği, Azərbaycan həqiqətlərinin Kanada ictimaiyyətinə çatdırılması və s. kimi mühüm məsələlərin Federasiyanın qarşısında əsas vəzifələr kimi qoyulduğu göstərilmişdir.
 
MEDİATEKA
Videoqalereya Fotoqalereya Nəşrlər
2010-03-16
DÜNYA AZƏRBAYCANLILARININ II QURULTAYI
VEB LAYİHƏLƏR


Azərbaycan Respublikası Diasporla İş Üzrə Dövlət Komitəsi. All rights reserved