• ABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə bağlı yeni kampaniyaya başlayıbABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə bağlı yeni kampaniyaya başlayıb
  • Amsterdamda Azərbaycan ilə bağlı geniş təqdimat keçirilibAmsterdamda Azərbaycan ilə bağlı geniş təqdimat keçirilib
  • Daşkənddə Özbəkistandakı Respublika Azərbaycan Milli Mədəniyyət Mərkəzinin (RAMMM) hesabat-seçki konfransı keçirilibDaşkənddə Özbəkistandakı Respublika Azərbaycan Milli Mədəniyyət Mərkəzinin (RAMMM) hesabat-seçki konfransı keçirilib
  • Prezident İlham Əliyev 2018-ci ili ölkəmizdə Prezident İlham Əliyev 2018-ci ili ölkəmizdə "Azərbaycan Xalq Cümhuriyyəti İli" elan edib
  • 20 Yanvar faciəsinin 28-ci ildönümünün keçirilməsi ilə bağlı tədbirlər planı təsdiqlənib20 Yanvar faciəsinin 28-ci ildönümünün keçirilməsi ilə bağlı tədbirlər planı təsdiqlənib


ŞİRNİYATLAR


 ŞƏKƏRBURA

Əla növ buğda unu – 240 q, ərinmiş yağ – 60 q, üzlü süd – 80 q, yumurta – bəd, maya – 8 q, təmizlənmiş badam və ya fındıq – 200 q, şəkər

tozu – 200 q, hil – 0,4 q, duz.

Süd 30-350 C –əy qədər qızdırılır, ona maya, duz, yumurta, ərinmiş yağ və ələnmiş un qatılıb bərk xəmir yoğurulur. Xəmir 1-1,5 saat saxlanılır və 30

qramlıq kündələrə bölünür. Kündələr 2 mm qalınlığında kiçik dairələrə yayılır. Bu dairələrin arasına iç qoyulub örtülür və kənarları vintvarı bükülür, üzərinə müxtəlif

naxışlar vurulur. Şəkərburanı 160- 180˚ C-də 25-30 dəq. bişirirlər. Iç hazırlamaq üçün qabığı təmizlənmiş badam və ya qovurulmuş fındıq sürtgəcli maşından keçirilib

narın üyüdülür, 1:1 nisbətində toz şəkərlə qarışdırılır, ətirli olması üçün döyülmüş hil qatılır.

BAKI PAXLAVASI

Əla növ buğda unu – 240 q, ərinmiş yağ – 60 q, üzlü süd – 80 q, yumurta – 1 əd., maya – 8 q, təmizlənmiş badam və ya qoz ləpəsi – 200 q, şəkər – 200 q,

zəfəran – 0,4 q, vanilin – 0,2 q, bal – 20 q. Xəmirin yoğurulması və için hazırlanması şəkərburada olduğu kimidir. Xəmir 0,5 mm qalınlığında yayılır. Tavanın dibinə yağ

sürtülür və xəmir qatı sərilib üstünə 3-4 mm qalınlığında iç tökülür. İçliyin üstünə ikinci xəmir qatı salınır, yağ sürtülüb yenidən içlik tökülür və bu qayda 8-10 qata qədər

davam etdirilir. Sonra paxlava 10x4 sm ölçüdə romb şəklində kəsilir, üst qatına zəfəran şirəsi qatılmış yumurta sarısı çəkilir. Hər paxlavanın ortasına yarım ləpə və yaxud

püstə qoyulur. Paxlavanı 180-200˚ S –də 35-40 dəq. bişirirlər. Hazır olmağa 15 dəqiqə qalmış üstünə şərbət və yaxud bal tökülür.

GƏNCƏ PAXLAVASI

Xəmir üçün: əla növ buğda unu – 300 q, yumurta 1/2 əd., duz – 3 q; İçlik üçün: Badam 180 q, şəkər tozu – 180 q, darçın – 3 q; Şərbət üçün:

şəkər – 160 q, bal – 40 q; Təbəqələrin arasına sürtmək üçün yağ – 40 q, səthinə sürtmək üçün yumurta - 2 ədəd. Xəmir və içlik şəkərburada

olduğu kimi hazırlanır. Xəmir 1-3 mm qalınlığında yayılır və yağ sürtülmüş listin içinə sərilir. Xəmirin üzərinə əridilmiş yağ sürtülür, bunun da üstünə yağ

sürtülmüş ikinci qat xəmir salınır. Hər üç qatdan sonra 4-5 mm qalınlığında içlik yayılır. Gəncə paxlavası 23 qatdan ibarət olur, o cümlədən 18 qat xəmir, 5 qat isə badam

içliyi. Peçə qoymazdan əvvəl paxlava romb şəklində kəsilir, üstünə yumurta sürtülür. Paxlava istiliyi 180-200˚ S olan Peçdə 30-35 dəq. ərzində iki dəfəyə bişirilir. Peçə

qoyulandan 10-12 dəq sonra list çıxarılıb paxlavanın üstünə şərbət tökülür. Şərbət şəkər və baldan hazırlanır. Üstünə şərbət tökülmüş paxlava peçdə hazır olana qədər

bişirilir. Paxlava bişirildiyi listdə də soyudulur.

ŞƏKİ PAXLAVASI

Düyü unu – 280 q, şəkər – 420 q, fındıq ləpəsi – 140 q, limon turşusu – 1 q, keşniş toxumu – 2 q, hil – 0,5 q, zəfəran – 0,2 q.

Düyü ununa 120 ml su əlavə edilməklə duru xəmir hazırlanır. Həmin xəmiri 11 gözcüyü olan xüsusi qıfdan qızdırılmış tiyana tökməklə top formalı riştə bişirilir. Fındıq

ləpəsi üyüdülür, döyülmüş keşniş toxumu və hil ilə qarışdırılır. Mis məcməyi yağlanır, 8 ədəd riştə üstə-üstə qoyulub üzərinə iç tökülür. Üzərinə 5 ədəd riştə qoyulub

dairəvi formaya salınır. Paxlavanın səthi zəfəranla kvadrat şəklində bəzənir, 15-20 dəq. kömür od üzərində hər iki üzü bişirilir. Paxlava şəkər, limon turşusu və 100 ml

sudan hazırlanmış qaynar şərbətlə isladılır. 8-10 saat saxlanılır ki, şərbət paxlavanın içinə hopsun.

RİŞTƏ PAXLAVA

Gəncə paxlavası kimi hazırlanır, lakin axırıncı üst xəmir layı əvəzinə riştə qoyulur və romb şəklində doğranır. Riştəni ev şəraitində hazırlanan buğda nişastasından və ya

düyü unundan «Şəki paxlavası»nda olduğu kimi bişirirlər.

ŞOR QOĞAL

Əla növ buğda unu – 726 q, quyruq cızdağı – 300 q, yumurta – 1 əd, quyruq yağı – 60 q, maya – 15 q, zirə - 1 q, zəfəran – 0,5 q, razyana –

2 q, qara istiot – 0,5 q, xaşxaş – 3 q, duz Una su, duz və maya qatılıb xəmir yoğurulur. Xəmir gəldikdən sonra ondan 9-11 gündə hazırlanır. Kündələr

nazikyayılır və hər laya yağ sürtüb üstə-üstə yığılır. Yığılıb üstə-üstə yığılmış xəmir iri kvadratlara doğranır, onlar rulet kimi bükülür, burulur və yastılanaraq

kökə şəklinə salınır. Ortasına içlik qoyulur. Quyruq cızdağı ətçəkən maşından keçirilir, ona yumurtanın ağı, ədviyyat və duz qatılıb yaxşı çalınır, bir qədər un əlavə edib iç

hazırlanır.Səthinə zəfəran şirəsi ilə çalınmış yumurta sürtülür, xaşxaş səpilir və 230-240˚ S temperaturda 20-25 dəq, bişirilir.

ŞƏKƏRÇÖRƏYİ

Əla növ buğda unu – 530 q, ərinmiş yağ – 260 q, şəkər kirşanı – 300 q, yumurta – 1 əd., vanilin – 3 q. Ərinmiş yağ şəkər kirşanı ilə 25-30 dəq. çalınır, bu zaman

ona az-az yumurta ağı əlavə edilir. Çalıntıya vanilin və ələnmiş un qatılıb xəmir yoğurulur. Həmin xəmirdən 60-75 qramlıq girdə kündələr hazırlanır, perqament kağızı

sərilmiş listlərə düzülür, üzərinə yumurta sarısı çəkilib 175-180 0 C istilikdə 25-30 dəq. bişirilir. Şəkərçörəyi soyuduqdan sonra üstünə şəkər kirşanı səpilir.

ŞİRİN NAZİK

Əla növ buğda unu – 700 q, ərinmiş yağ – 200 q, şəkər kirşanı – 115 q, yumurta sarısı – 1 əd., maya – 2 q, zəfəran - 0,03 q, duz - 1,5 q. 520 qram un, 90q yağ və

duz əlavə edilməklə mayalı xəmir yoğurulur. İçlik hazırlamaq üçün 70 qram yağa zəfəran şirəsi və şəkər kirşanı qatılıb yaxşıca qarışdırılır, sonra üzərinə tədricən 140 q un

tökülüb bircinsli kütlə alınana qədər qarışdırılır. Xəmir gəldikdən sonra 3-5 mm qalınlığında yayılır, üzərinə yağ sürtülüb bir neçə dəfə qatlanmaqla qat-qat xəmir əldə edilir.

Xəmirin ortasına içlik qoyulur, kənarları qatlanaraq mərkəzə birləşdirilir və 10-12 mm qalınlıqda yayılır. Beləliklə qat-qat xəmirdən hazırlanmış içlikli kökə yağlı listə qoyulub,

üzərinə yumurta sarısı sürtülür, çəngəllə bəzək vurulur. Şirin nazik 200-220˚ S temperaturda 25-30 dəqiqə bişirilir.

 

BADAM-BURA

Əla növ buğda unu - 390q, xama - 225q, badam - 210q, şəkərtozu - 210q, şəkər kirşanı - 26q, bitki yağı - 110q, hil - 2q, çay sodası - 0,5q. Una

xama və çay sodası qatılaraq xəmir yoğrulur və 20-25 dəqiqə saxlanılır. (Bəzən xəmir maya ilə hazırlanır) . Xəmir 504 mm qalınlığında yayılır və ondan

diametri 8 smolan formalar kəsilir. Bunların üzərinə 15-20 qram xırdalanmış badam və şəkər tozundan hazırlanmış iç qoyulur. Ətirləndirmək üçün isə hil

qatılır. Xəmirin kənarları birləşdirilərək pirojki formasına salınır. Badam-bura bitki yağı frityurunda qızardılır və soyuduqdan sonra üstünə şəkər kirşanı səpilir.

QIRMABADAM

Düyü unu – 84 q, şəkər tozu - 675 q, fındıq ləpəsi – 285 q, yumurta ağı – 35 q, limon turşusu – 1 q, keşniş toxumu – 2q. Şəkər tozu su ilə qaynadılır, limon turşusu

əlavə edilib tərkibində 5-6 faiz su qalanadək bişirilir. Bişmiş karamel kütləsini çala-çala soyudur və istiliyi 50-60 0 C olduqda üzərinə yumurta ağı əlavə edilir və çalınma

sürətləndirilir. Çalıntının hazır olması onun ağ rəngindən və soyuduqda sınmasından bilinir. Çalınmış kütləyə xırdalanmış fındıq ləpəsi və keşniş toxumu əlavə edilib

qarışdırılır və 0,5 – 0,7 sm qalınlığında 15x8 sm ölçüdə formalanır. Üzərinə qovurulmuş düyü unu səpilir.

BAKI QORABİYYƏSİ

Əla növ buğda unu – 583 q, kərə yağı – 350 q, şəkər kirşanı – 152 q, yumurta ağı – 40 q, iç üçün ərik püresi – 30 q, şəkər tozu – 30 q. Kərə yağı şəkər kirşanı ilə

yaxşı qarışdırıldıqdan sonra ona yumurta ağı əlavə edib çalınır, ələnmiş un vurulur və yaxıntılı konsistensiyalı xəmir yoğurulur. Xəmir çobanyastığı, sübüqcuqlar və digər

formada 25-28 q çəkidə listlərə çökdürülür. Çobanyastığı formalı qorabiyyələrin ortasında oyuqlar açılır və oraya meyvə püresi və şəkər tozundan hazırlanmış iç qoyulur.

İçin miqdarı hər peçenye üçün 2-2,5 qramdır. Qorabiyyə 250-270˚ C-də 9-10 dəqiqə bişirilir.

AZƏRBAYCAN NANI

Əla növ buğda unu – 325 q, kərə yağı – 160 q, şəkər kirşanı – 95 q, kişmiş – 80 q, şəkərlənmiş meyvə - 50 q, yumurta 115 q, fındıq ləpəsi –50 q, zəfəran- 0,06q,

ammonium – 12 q, pomada üçün şəkər tozu – 245 q, patka – 25 q, quru karmin boyağı. Xəmir yoğurmaq üçün lazım olan fındıq xırdalanır, şəkərlənmiş meyvə xırda

doğranır, kərə yağı şəkər kirşanı ilə bircinsli kütlə alınana qədər çalınır. Sonra buna yumurta, zəfəran şirəsi, fındıq, kişmiş, şəkərlənmiş meyvə və ammonium karbonat

əlavə edilir, yaxşıca qarışdırılır. Ələnmiş un tökülüb tez xəmir yoğurulur. Xəmir yoğurulması ilə bərabər eyni zamanda şəkər tozu və patkadan pomada hazırlanır. Xəmir 5

qramlıq kündələrə bölünür və hər pay 30-35 mm diametr ölçüsündə baton şəklinə salınıb içinə perqament kağızı sərilmiş dəmir listlərə düzülür. Üzərinə yumurta sürtülür,

180-200˚ C temperaturda 20-25 dəq. bişirilir. Soyuduqdan sonra üzərinə çəhrayı pomada çəkilir, pomada bərkidikdən sonra baton 40 mm enində qıyqacı dilim formasında

tikələrə doğranır.

QOZLU ORDUBAD DÜRMƏYİ

Əla növ buğda unu – 400 q, xama – 180 q, kərə yağı – 120 q, qoz ləpəsi – 220 q, şəkər tozu – 180 q, bal – 40 q, darçın – 2 q, yumurta - 1 əd. Xəmir hazırlamaq

üçün kərə yağı xama ilə qarışdırılır, ələnmiş un töküb xəmir yoğurulur. İç hazırlamaq üçün qoz ləpəsi azacıq tavada qovurulur, ətçəkən maşından keçirilir, şəkər tozu, bal

və ədviyyat qatılıb qarışdırılır. Xəmir 300 qramlıq paylara bölünüb 3-4 mm qalınlıqda yayılır. Yayılmış xəmir üzərinə bir lay şəklində 200 qram içlik qoyulur və xəmir

bükülərək rulet formasına salınır. Üzərinə yumurta sarısı sürtülür, 190-200˚ S temperaturda 30-35 dəqiqə bişirilir. Bəzən xəmir maya ilə hazırlanır.

BADAMLI BORUCUQ

Əla növ buğda unu – 410 q, xama – 185 q, kərə yağı – 120 q, badam – 220 q, şəkər tozu – 180 q, hil – 5 q, şəkər kirşanı – 35 q, maya – 10 q, konyak – 3 q, duz.

 Una kərə yağı, xama, şəkər kirşanı, duz və maya əlavə edilib xəmir yoğurulur. İç hazırlamaq üçün badam qaynar suda pörtülür, qabığı təmizlənir və qurudulur. Quru

badam sürtgəcli maşında üyüdülür, ona şəkər tozu, hil və konyak əlavə edilib qarışdırılır. Xəmir gəldikdən sonra 40 qramlıq paylara bölünür. Bundan sonra qolu borucuqda

olduğu kimi hazırlanır.

QOZLU BORUCUQ

Əla növ buğda unu – 432 q, xama – 200 q, kərə yağı – 125 q, qoz ləpəsi – 200 q, şəkər tozu – 160 q, bal – 40 q, darçın – 2 q, yumurta – 1 ədəd. Xəmirin və için

hazırlanması Ordubad dürməyində olduğu kimidir. Xəmir 40 qramlıq paylara bölünür və bunlar bir ucu digərindən bir qədər enli olan lentlərə yayılır. Xəmirin enli tərəfinin

üstünə 30 qram içlik qoyulub lentin ucları bükülərək borucuq formasına salınır. Üzərinə yumurta sarısı sürtülür. 180-200˚ S-də 20-30 dəq. bişirilir. Xəmiri çox vaxt maya

ilə hazırlayırlar.

BAMİYƏ

Əla növ buğda unu – 527 q, şəkər tozu – 235 q, yumurta - 1 əd., bitki yağı – 120 q, çay sodası - 0,5 q, duz – 5 q. Una çay sodası və qanar su əlavə edib bəşlənmiş

xəmir yoğurulur və soyuduqdan sonra ona yumurta qatılır. Xəmir ətçəkən maşında keçirilir. Lakin ətçəkən maşına bıçaq yerinə 0,15 mm qalınlılığında və ortasında 0,15 mm

diametr ölçüdə xırda dişləri olan metal lövhəcik qoyulur. Ətçəkən maşından çıxan burma xəmir 7-8 sm uzunluqda bərabər hissələrə bölünür. Bamiyə bitki yağı frityurunda

qızardılır, şəkər şərbətində hopdurulur və quruduqdan sonra üstünə şəkər kirşanı səpilir.

FƏSƏLİ

Əla növ buğda unu – 780 q, maya – 20 q, şəkər tozu – 55 q, quyruq yağı – 110 q (və ya quyruq cızdağı). Ədviyyat - keşniş toxumu, hil, darçın, zəncəfil, hər

birindən - 2-3 q, duz – 5 q. Una maya, su və duz qatılıb xəmir yoğurulur. Xəmir 1,5-2 saat saxlanır və 100 qramlıq kündələrə kəsilib 0,5 mm qalınlığında yayılır. xəmirin

üzərinə əvvəlcədən narın döyülmüş, ədviyyat qatılmış yağ sürtülür və 5-6 qat bir-birinin üstünə salınaraq düzbucaqlı formasında kəsilməklə rulet burulur. Həmin rulet vertikal

istiqamətdə yastılanaraq diametri 10-12 sm, qalınlığı isə 1,5-2,0 sm girdə kökəcik şəklinə salınır. Fəsəli hər iki tərəfdən tavada bişirilir. Süfrəyə verdikdə üstünə şəkər

kirşanı səpilir və ya yanına ayrıca bal qoyulur.

ŞƏKİ OYMASI (FƏTİR)

Birinci növ buğda unu – 617 q, şəkər – 195 q, kərə yağı – 74 q, süd və ya qatıq – 150 q, yumurta – 2 ədəd, maya – 10 q, ədviyyat qarışığı (hil, zəncəfil, keşniş

toxumu, muskat qozu, cövüz, darçın) – 5 q, zəfəran - 0,1 q, xaşxaş – 3 q, duz. Balatı üsulu ilə mayalı yağlı şirin xəmir yoğurulur. Xaşxaş, yumurta sarısı və zəfəran

şirəsinin bir hissəsi ovmanın üzərinin bəzənməsi üçün saxlanılır. Xəmir gəldikdən sonra 700-800 qramlıq paylar kəsilir, 15-20 mm qalınlıqda 180-190 mm diametrdə yayılır,

üzərinə naxış vurulur, 25-30 dəqiqə saxlanıldıqdan sonra üzərinə zəfəranlı yumurta sürtülür. Xaşxaş səpilir, 30-35 dəqiqə ərzində 190-200˚ S temperaturda bişirilir.

ŞƏKİ KÜLÇƏSİ

1-ci növ buğda unu– 750 q, şəkər tozu– 65 q, ərinmiş yağ– 150 q(və ya quyruq yağı), yumurta - 1 əd, maya– 15 q, duz– 3 q,ədviyyə qarışığı (keşniş toxumu

– 2 q, hil– 2 q, zəncəfil– 2 q, darçın– 2 q, vanil– 1 q, zəfəran– 1 q) üstünə səpmək üçün xaşxaş. Un ələnir, ona yağın və yumurtanın yarısı, şəkər,isti suda açılmış

maya qatılıb bərk xəmir yoğurulur. Xəmir gəlmək üçün 32-350 S temperaturda 1-1,5 saat saxlanılır. Ədviyyələr üyüdülüb yağın qalan hissəsi ilə qarışdırılır. Külçə xəmiri

yetişdikdən sonra ondan 300-600 qramlıq kündələr hazırlanır.0,5-0,7 mm qalınlığında yayılır.Xəmirin üzərinə yağlı-ədviyyəli qarışıq sürtülüb dürmək kimi bükülür və yenidən

1,5 sm qalınlığında girdə formaya salınır.25 dəqiqə istirahətə qoyulduqdan sonra üzünə yumurta sürtülür, xüsusi külçə forması ilə naxışlanır çəngəllə dişdəklənir və xaşxaş

səpilib 190-200˚ C temperaturda 25-30 dəqiqə ərzində bişirilir.

ŞAMAXI MÜTƏKKƏSİ

Xəmir üçün: əla növ buğda unu – 500 q, yumurta - 2 ədəd, kərə yağı – 100 q, süd - 1 stəkan, şəkər kirşanı – 50 q, maya – 10 q, duz. İçlik üçün: ərik povidlası –

150 q,şəkər tozu– 100 q,vanil - 1/3 q,üstünə səpmək üçün şəkər kirşanı– 50 q.Maya isti süd içərisində açılır, üzərinə yumurta, duz, şəkər kirşanı əlavə edilib yaxşıca

qarışdırılır.Sonra un əlavə edilib 15 dəqiqə ərzində xəmir yoğurulur.Yetişmək üçün xəmir 1,5saat isti yerdə saxlanılır.Eyni zamanda ərik povidlası şəkər tozu ilə qarışdırılıb

qatı kütlə əmələ gəlincə bişirilir və soyudulur. Xəmir 4-5 mm qalınlığında yayılıb üzərinə ərinmiş kərə yağı sürtülür və üçbucaqlar formasında kəsilir. Kəsilmiş xəmirlərin hər

birinə içlik qoyulub üçbucağın təpəsi məmulatın üstündə qalmaq şərti ilə burulub borucuq şəklinə salınır. Məmulat 190-200˚ C temperaturda 10-15 dəqiqə ərzində qızdırıcı

şkafda bişirilir.

GÜLABLI QOVUT

Qovurulmuş buğda – 50 q, qoz ləpəsi – 30 q, zəfəran - 0,5 q, darçın və keşniş toxumu - 0,05 q, gülab – 10 ml.Şəkərdən 1:1 nisbətində şərbət hazırlanır, soyudulur,

zəfəran şirəsi və gülab əlavə edilir.Qovurulmuş buğda əl dəyirmanı və ya qəhvə üyüdülən maşında üyüdülür,xırdalanmış qoz ləpəsi və ədviyyat qatılır,üstünə şərbət tökülüb

yaxşıca qarışdırılır. Alınmış kütlə girdə küftələr formasına salınır, səthinə dama-dama naxış vurulur.

TEL

Əla növ buğda unu– 200 q, şəkər tozu– 520 q, ərinmiş yağ– 270 q, limon turşusu– 2 q. Şəkər tozu su ilə qaynadılır, limon turşusu əlavə edilib tərkibində 3-4 faiz su

qalanadək bişirilir. Karamel kütləsi yağlanmış mərmər stola tökülüb bir qədər soyudulur. İstiliyi 70-750˚ C olan kütlə çəkilib ağardılır. Eyni zamanda yağ tavada qızdırılır,

üzərinə un əlavə edilir və qovurulur. Qovurulmuş kütlənin tavanın hər yerindən qaynaması onun hazır olmasını göstərir. Bundan sonra qovurulmuş un təknə içərisində

karamel kütləsi ilə qarışdırılıb çəkilir və məhsul çap şəkilində saçaqlanır. Hazırlanmış tel tez bir zamanda soyudulur.

ŞƏKƏR PENDİR

Şəkər tozu – 830 q, patka – 250 q, vanilin - 0,25 q. Qazana şəkər tozu və su tökülüb 8-10 dəq. ərzində 105-1100 S temperaturda qaynadılır. Sonra patka əlavə edib orta

karamel nümunəsinə (nəmliyi 3-3,5% qalanadək) gəlincə bişirilir. Hazır karamel kütləsi mərmər masanın üzərinə (yağlanmış tavaya da tökmək olar) tökülüb 70-80˚ C

temperatura qədər soyudulur, vanil əlavə edilir. Karamel kütləsi öfkələnir və tamamilə ağarınca əldə dartılır. Sonrakı əməliyyat şəkər kirşanı səpilmiş taxta masa üzərində

aparılır. Burada karamel kütləsi baton şəklində yayılır və batonun ucu qayçı vasitəsilə əyri yastıq formasında tikələrə doğranılır.

 

TƏR HALVA

Əla növ buğda unu – 400 q, ərinmiş yağ – 200 q, doşab – 250 q və ya şəkər tozu – 200 q, darçın – 2 q.Tavada qızdırılmış yağa un əlavə edilib qızılı rəngə çatınca

qovurulur. Sonra buna doşab və ya şəkər şərbəti qatılır və arası kəsilmədən qarışdırılaraq qızdırılır. Halva dayaz desert boşqaba qoyulur, üstünə darçın səpilir. Bəzən

halvanı lavaşa bükürlər. Doşab əvəzinə baldan da istifadə etmək olar, bu zaman halvanın keyfiyyəti yaxşılaşır.

 

UMAC HALVASI

Un, kərə yağı, su, şəkər 1 çay qaşığı bal, bir az duz

3 xörək qaşığı unu kağızın üstünə töküb, unun üstünə su çiləmək, sonra unu əllərlə ovmaq. Suyu az-az əlavə etmək. Xırda kiçləri ayrı bir qaba yığmaq. Bu prosesi o vaxta

qədər davam etdirmək lazımdır ki, un lap az qalsın.

Başqa bir qabda 1,5 xörək qaşığı yağı əritmək (2,5 qaşıq). Yağ əriyən kimi onun üstünə un kütləsini əlavə etmək və yaxşı-yaxşı qarışdırmaq lazımdır. Qızılı rəngə qədər

qovurmaq.

Şəkər şərbətinə bu miqdarda una 0,5 şəkər tozu, 0,5 stəkan su və 0,5 çay qaşığı bal, bir az zəfəran istifadə olunur. Halva qızılı rəng alan kimi, odun üstündən gətirmək və

hissə-hissə siropu əlavə etmək. Bunları arası kəsilmədən yaxşı qarışdırmaq lazımdır. Sirop halvaya hopmalıdır.

LƏNKƏRAN KÜLÇƏSİ

Xəmir üçün: 1-ci növ buğda unu – 460 q, maya – 10 q, şəkər – 70 q, yumurta - 1 əd., xama – 32 q, xaşxaş – 6 q, kərə yağı – 50 q, duz. İç üçün: 1-ci növ buğda

unu– 200 q, şəkər kirşanı– 95 q, kərə yağı– 100 q, zəfəran- 0,2 q.Un, şəkər və xama ilə mayalı xəmir yoğurulur. İç hazırlamaq üçün kərə yağı, şəkər kirşanı və zəfəran

şirəsi çalınır və un əlavə edilir.İç dağıla bilən kütlədən ibarət olur.Xəmir gəldikdən sonra onu yayır,üzərinə kərə yağı sürtülür,bir neçə dəfə əl ilə yayıb qatlayır və yumşaldılır.

Xəmir 80 q çəkidə doğranır,0,8-10 sm qalınlıqda kvadrat formada yayılır,üzərinə 30-32 qram iç qoyulur və qıraqları mərkəzə tərəf birləşdirilir.Sonra iki əl arasında basılmaqla

yayılır və ona dairəvi forma verilir. 45-50 dəq. istirahətə qoyub üzərinə yumurta sürtülür, xaşxaş səpilir və 180-200˚ C temperaturda 20-25 dəq. bişirilir.

 

QUBA TIXMASI

Xəmir üçün: Əla növ buğda unu– 520 q, kərəli marqarin– 190 q, üzlü süd– 127 q, yumurta- 2 əd., maya– 8 q, zəfəran- 0,3 q, duz. İç üçün: əla növ buğda unu

– 130 q, kərə yağı– 64 q,şəkər– 127 q, hil- 0,3 q,muskat qozu- 0,3 q.Xəmirin yoğurulması və için hazırlanması Lənkəran külçəsində olduğu kimidir.Lakin xəmirə şəkər

qatılmır.Hazır xəmir yayılır,üzərinə yağ sürtülür,dürmək formasında bükülür,dartılaraq 90-100 qramlıq tikələrə doğranır.Hər xəmir tikəsi vintvarı burulur, azacıq yastılaşdırılır,

üzərində çökək yerlər düzəldilir və oraya 35-40 q iç qoyulur. Xəmirin kənarları mərkəzə birləşdirilməklə için üstü örtülür. Birləşdirilmiş tərəfi aşağı olmaq şərti ilə 90-100 mm

diametrdə dairəvi formada yayılır, üzərinə halqavarı bəzək vurulur, 20-25 dəq. istirahətə qoyulur və səthinə yumurta sürtülüb 180-200˚ C-də 35040 dəqiqə bişirilir.

SƏMƏNİ HALVASI

Buğda - 100q, 1-ci növ buğda unu - 500q, ərinmiş yağ - 100q, doşab - 200q, qoz ləpəsi - 100q, cirə - 2q, istiot - 1q, darçın - 2q, razyana - 1q. Buğdadan adi qayda

üzrə səməni cücərdir. Səməni cücərtiləri sarımtıl rəngdə olduqda ətçəkən maşından buraxılır, şirəsi tənzifdən süzülür və un əlavə edilib xəmir yoğurulur. Xəmir yağlanmış

miss tiyana qoyulur. zəif Alov üzərində arabir çevrilmək şərti ilə (yanmasın deyə) 4 saat ərzində bişirilir. Hər dəfə xəmiri çevirdikdə altına azacıq yağ tökülür. Axırda kütləyə

xırdalanmış qoz ləpəsi, ədviyyat və doşab vurulub yaxşıca qarışdırılır. Hazır halvadan iri küftələr formasında paylar düzəldilir.

 


PAXLAVA

Ərzaqlar

Xəmir üçün:
3 stəkan əla növ un (465 g)
250 g kiçik-kiçik doğranmış kərə yağı
1 stəkan (200 g ) xama
1 çay qaşığı soda
2 yumurta sarısı

İç üçün:
2 səkan şəkər tozu
2 yumurta ağı
2 ½ stəkan (300 g)
maşının iri dişindən keçirilmiş qoz ləpəsi (toz kimi olmasın, qoz bir az diri olmalıdır ki, yeyəndə  hiss olunsun)

Üstü üçün:
1 yumurta sarısı

Lazım olanlar: kənarları bir az hündür olan 20 x 30 cm ölçülərində düzbucaq soba listi.  Düzbucaq listiniz yoxdursa, yumru listlə əvəz edə bilərsiniz.

Qeyd: Əgər pəhriz məqsədiylə, paxlavanızın çox şirin olmasını istəmirsinizsə, onda içinə gedəcək şəkərin miqdarını azaldıb, yerinə eyni miqdarda qoz əlavə edin.

1. Əvvəlcə xəmiri hazırlayın. Böyük qabda unu və kərə yağını çəngəl və yaxud bıçaqla iri umac əldə edənə qədər döyün.


2. Xamaya soda əlavə edib qarışdırın. Bu qarışığı və yumurta sarısını unlu-yağlı qarışığa əlavə edin. Əlinizlə xəmir əldə edənə kimi qarışdırın. Xəmir yumuşaq və zərif olmalıdır.

3. Xəmiri 3 hissəyə  bölüb, kündələyin. Kündələri ayrı-ayrı sellofana büküb soyuducuda 1 saat ərzində saxlayın.


4. İçi hazırlayın. Bir qabda şəkər tozunu və yumurtanın ağını mikserlə ağarana kimi yaxşıca çalın. Doğranmış qozu əlavə edib, qaşıqla qarışdırın.


5. Soba listinin həm dibini, həm də kənarlarını azacıq yağlayın. Sobanı 180˚C-dək qızdırın.

6. Xəmiri soyuducudan çıxardın. Masanı bir az unlayın. Kündələrin birini oxlovla uzunluğu 30 cm, qalınlığı isə 3 mm olan düzbucaq şəklində açın.


7. Açdığınız xəmiri soba listinə yerləşdirin, və əlinizlə xəmirin qıraqlarını listin kənarlarına yapışdırın (paxlava sobadaykən, şirə bıraxdığına görə, xəmirin kənarlarını beləcə bərkidmək lazımdır)

8. Bu layın üstünə için yarısını yayın.


9. İkinci kündəni də eyni şəkildə açın və birinci layın üstünə qoyun. Üstünə qalan içi töküb yayın. 

10. Üçüncü kündəni açıb, ikinci layın üstünə qoyun. Üstünə yumurta sarısı sürtün. İti bıcaqla romb şəklində kəsin. Hər paxlavanın ortasına yarım qoz ləpəsi qoyun.

11. Sobada 35 dəqiqə, və yaxud üstü qızarana qədər bişirin. Soyuduqdan sonra, paxlavaları listdən çıxardın. Nuş Olsun!

NOVRUZ BAYRAMINIZ MÜBARƏK!


 
 ŞƏKƏRBURA

Şəkildə: MAQQAŞ - Şəkərburanın üstünü bəzəmək üçün istifadə olunan alət.

ŞƏKƏRBURA

36 ədəd şəkərbura alınır

Xəmir üçün:
1 kilo + 1 xörək qaşığı  (mərhələ 3 üçün) əla növ un
400 qram
kərə yağı
5  yumurta sarısı
250 qram xama
1/4 çay qaşığı duz
1/2 çay qaşığı  vanil tozu
1/2 çay qaşığı  quru maya (toz maya)
1 xörək qaşığı şəkər tozu
1/2 stəkan (125 m) ilıq süd

İçi üçün:
700 qram  fındıq ləpəsi, və ya badam (qoz ləpəsi də olar, amma qozlu iç bir az tünd rəngdə alınır)
700 qram şəkər tozu
zövqə görə hil
(mən təxminən 2 çay qaşığı qoyuram)

 

1. Əvvəlcə xəmiri hazırlayın. Bunun üçün  unu və kərə yağını geniş qaba qoyun və əlinizlə toz halına gələnə  kimi yaxşıca ovun.

2. Ayrı qabda yumurta sarısını, xamanı, duzu və vanil tozunu qaşıqla qarışdırın.

3.  Ayrı qabda toz mayanı, 1 x. q. unu, 1 x.q. şəkər tozunu qarışdırın. Üstünə 1/4 stəkan ilıq süd tökün. Qoyun kənarda təxminən 2 dəqiqə qalsın.

4.  Yumurta-xama qarışığını (#2) və mayaı qarışığını (#3) un-yağ (#1) qarışığa əlavə edin.

5. Əlinizlə ərzaqlar qarışanadək xəmir yoğurun. Bu mərhələdə xəmir bir qədər quru olacaq. Onu yumuşaltmaq üçün əlinizi təxminən 1/4 stəkan ilıq süd olan qabda islada-islada xəmiri yoğurmağa davam edin.

6. Xəmiri kündələyin və üstünü örtərək 30-40 dəqiqəlik kənara qoyun.

7.  İçi hazırlayın. Bunun üçün qovrulmuş və qabığı soyulmuş fındığı və ya qozu və yaxud qabığı soyulmuş badamı  sürtkəcli maşından keçirin və narın üyüdün. Üstünə toz şəkəri, və ətirli olması üçün hil əlavə edib qarışdırın.

Fındıq və ya qoz ləpəsini qovurub qabığını soymaq üçün: Fındığı və ya qozu tavaya qoyun və orta odda tez-tez qarışdıra-qarışdıra, qabığı soyulmağa başlayanadək qovurun (diqqətli olun, yandırmayın). Qovurulan fındığı və ya qozu çay dəsmalının bir tərəfinə  qoyub, dəsmalın o biri tətəfiylə fındığın  üstünə basaraq, ovun. Qabıqlar ayrılacaq. Bəzilərinin qabıqları tamamilə soyulmayacaq - nu normaldır.

Badamların qabığını soymaq üçün: Badamı qazana qoyub üstünə qaynar su tökün. Qoyun suda təxminən 2 dəqiqə qalsın (suda çox tutmayin, yoxsa badam yumuşaq olar). Badamı süzün və qurulayın. Barmaqlarınızla qabığı çıxana kimi ovun.

8. Dincəlmiş xəmiri hər biri 50 qram olmaq şərtilə 36 kündəyə bölün.

9.  Kündələrın qurumaması üçün, üstlərini örtün. Hər kündəni oxlovla diametri 10 cm olan kiçik dairələrə yayın.

10. Hər dairənin arasına 2 x.q. iç qoyun və dairəni yarım-ay şəklində bükün.

11.  Kənarlarını bərkidin.

12. Sonra isə vintvari şəkildə bükün.

13. Şəkərburaları üstünə kalka kağızı sərilmiş listə yığın.

14. Sonra isə şəkərburaların üstünü bir-bir maqqaşla bəzəyin.

15.  Şəkərburaları 150C dərəcəlik sobada təxminən 20 dəqiqə ərzində kənarları bir az qızarana kimi bişirin. Nuş Olsun!


KƏSMİKLİ LİMONLU KEKS

Ərzaqlar

250 g kəsmik və ya duzsuz ağ pendir
115 g kərə yağı, əridib soyudun
5 yumurta, otaq hərarətində
bir çimdik vanil tozu
3/4 stəkan əla növ ağ un
1   1/4 stəkan şəkər tozu
1 stəkan qatıq (çox sulu olmasın)
1 limonun qabığı, sürtkəcin iri dişindən keçirilmiş
üstü üçün şəkər kirşanı

Qeyd: Diqqət yetirin ki, kəsmiyiniz çox sulu olmasın. Əgər suludursa, onu xəmirə qatmaqdan əvvləl tənzifə qoyub suyunu süzdürün. Kəsmik quru olmalıdır.

1. Sobanı 180Cdək qızdırın.

2. Böyük bir qabda kəsmik və ya pendiri kiçik parçalar halına qələnədək ovun. Üstünə soyumuş kərə yağı, yumurta, vanil tozu və unu əlavə edin. Mikserlə qarışanadək təxminən bir dəqiqə ərzində çalın. Alınan kütlə aşağıdakı şəkildə göründüyü kimi olmalıdır.

3. Ayrı qabda şəkər tozu və qatığı mikserlə qarışanadək çalın. Üstünə rəndələnmiş limon qabığı əlavə edib qaşıqla qarışdırın.

4.  Qatıqlı qarışığı kəsmikli qarışığa əlavə edib qaşıqla qarışdırın. Alınan kütlə bir qədər sulu olacaq. Bu normaldır.

5.      21 X 11 santimetr ölçüləri olan keks formasının dibini və kənarlarını azacıq yağlayın. Alınan kütləni yağlanmış formaya tökün. Sobanın orta rəfində 50 dəqiqə ərzində, üstü qızaranadək, bişirin. Keksin hazır olub olmamasını yoxlamaq üçün içərisinə kibrit batırıb çıxardın – çıxan kibritə xəmir yapışmayıbsa¸ keksiniz hazırdır (bu keks çox şişən kekslərdən deyil. Olduqca zərif və yumuşaqdır).  Keks öz formasında tamamilə soyuduqdan sonra, onu yavaşca alt-üst çevirin. Sonra servis qabına çevirib üstünə şəkər kirşanı və istəyə görə, rəndələnmiş limon qabığı səpin. Nuş Olsun!

 

HİL VƏ LİMONLU ŞİRİN ÇÖRƏKLƏR (BULKALAR)
Resept bir az dəyişdirilərək Cooking Light, Jan/Feb 2008 jurnalından götürülmüşdür
Orijinal reseptin müəllifi Jackie Mills

24 balaca bulka üçün

Xəmiri Üçün:
1 paket  (2  1/4 çay qaşığı) quru maya
1/4 stəkan ilıq su
1/2 stəkan xama (smetan)
1/3 stəkan şəkər tozu
1/4 stəkan kərə yağı - əridib soyudun
1 çay qaşığı vanil ekstraktı (və ya bir çimdik vanilin)
3/4 çay qaşığı duz
1 ədəd iri yumurta - yüngülvari çalın
2  1/3 stəkan ağ un (təxminən 300 g)

İçi Üçün:

İstədiyinizi seçin

Variant 1
1/2 stəkan mixəyi şəkər tozu (tünd rəngdə olan şəkər tozudur. əgər yoxdursa, adi şəkər tozundan istifadə edin)
1 xörək qaşığı sürtgəcdən keçirilmiş limon qabığı (xırda xırda olsun)
3/4 çay qaşığı hil (toz kimi)
2 xörək qaşığı kərə yağı - əridin

Variant 2
1/2 stəkan mixəyi şəkər tozu (tünd rəngdə olan şəkər tozudur. əgər yoxdursa, adi şəkər tozundan istifadə edin)
1 xörək qaşığı sürtgəcdən keçirilmiş limon qabığı (xırda xırda olsun)
3/4 çay qaşığı hil (toz kimi)
1/2 stəkan maşından keçirilmiş qoz və ya badam
2 xörək qaşığı kərə yağı - əridin

Üstü Üçün:
1 stəkan şəkər kirşanı (pudrası)
3 xörək qaşığı təzə sıxılmış limon suyu

1. Əvvəlcə xəmiri hazırlayın. Bunun üçün mayanı suda həll edin. Qoyun 5 dəqiqə kənarda qalsın.

2. Xama və digər 5 ərzaqı (un əlavə etməyin) iri bir qaba qoyun və yaxşı qarışdırın. Üstünə mayalı suyu əlavə edin və qarışdırın. Sonra isə unu əlavə edib xəmir yoğurun.

3. Xımiri bir az unlanmış masanın üstünə qoyun. Elastik olana qədər yoğurun (təxminən 8 dəqiqə).

4. Xəmirin iri qaba qoyub üstünü örtün. Qoyun isti yerdə gəlsin. Bu müddət ərzində xəmir ikiqat şişməlidir.

5. İçi hazırlayın. Yağdan basqa bütün ərzaqları bir qabda qarışdırın. Xəmiri iki yerə bölün və kündələyin. Birinci kündəni oxlovla 30 X 25 cm ölçülərində dördbucaq şəklində açın. Üstünə 1 x. qaşığı yağ sürtün. Sonra için yarısını üstünə səpin. Xəmiri yavaşca rulet kimi bükün. Sonra bu ruleti 12 yerə bölün - hər tikə 2.5 cm uzunluğunda olmalıdır. O biri kündəni də eyniylə birinci kündə kimi açın, içini yağlayıb doldurun, bükün və  kəsin. Alınan çörəkləri təxminən 33 x 22 cm ölçüləri olan yağlanmış formaya düzün. Üstünü dəsmalla örtün və 30 dəqiqəlik kənara qoyun ki, çörəklər gəlsin.

6. Sobanı  180C dərəcəyədək qızdırın.

7. Çörəklərin üstünü açın. Sobada üstü bir az qızaranadək, yəni təxminən 25 dəqiqə bişirin. Sobadan çıxardıb formada 5 dəqiqə soyudun.

8. Şəkər kirşanı və limon suyunu yaxşıca qarışdırın. Qaşıqla isti bulkaların üstünə gəzdirin.Nuş Olsun!







 

Şorqoğal

Tələsin, bayram süfrəsinə qoğal çatdırın. Mənim reseptim kimi gecikməyin. Resepti İngilis dilindən Azəricəyə tərcümə etdiyinə görə oxucum Gülüzə Heydərliyə təşəkkür edirəm. Nuş Olsun!

Bayramınız Mübarək olsun!

Sorqoğal

16 -18  ədəd üçün

Xəmir üçün:

1 paçka (2  ¼ ç/q) toz maya
1 stəkan ilıq su
6 stəkan un+ xəmir yoğurmaq üçün də əlavə
2 çay qaşığı duz
1 stəkan süd - otaq hərarətində
1 yumurta
200 qram əridilmiş (ərinmiş deyil) və soyudulmuş kərə yağı

Iç üçün:

2 x/q cirə
2 x/q  razyana
Yarım  ç/q   sarıkök
1 ç/q duz
Bir çay qaşığının dörtdə biri qədər istiot
2 stəkan un
115 qram əridilmiş (ərinmiş deyil) və soyudulmuş kərə yağı

Yağlamaq üçün:

Yarım kilo əridilmiş yağ.

Üstü üçün:

2 yumurta sarısı
1 x/q xaş-xaş

Əvvəlcə xəmir hazırlanır. Balaca bir kasada mayanı ilıq suda həll edib təxminən 10 dəqiqə köpüklənməsi üçün gözləyin.Unu iri qaba ələyin, üzərinə duz əlavə edib qarişdırın. Ortasında bir çökək açıb maya qarışığı, süd, yumurta, və yağı əlavə edin. Əlinizlə bunları qarışdırın. Xəmiri unlanmış taxta (və ya masada) yumuşaq və elastik olana kimi, 10 dəqıqə yoğurun. Xəmir çox bərk olmamalıdır. Əgər xəmir hələ də ılinizə yapışırsa, onda biraz da un əlavə edib yoğurun. Xəmiri iri qaba qoyub üzərini dəsmal ilə örtüb gəlməsi üçün isti yerə qoyun, təxminən bir saat yarımlıq.

Bu müddət içi hazırlayın. Cirə və razyana toxumunu 2 dəq. ətri çıxana qədər qovurun (qovurmaq onların ətrini və dadını artıracaq ama bu o qədər də vacib deyil - onları olduğu kimi də istifadə edə bilərsiz).

Ədvaları həvəngdə döyün. Bir qabda yağdan başqa iç üçün nəzərdə tutulan bütün ərzaqları qarışdırın. Əridilmiş yağı buraya əlavə edib əlinizlə narın umac olana kimi ovxalayın. İç hazırdır. Onu bir kənara qoyun.

Gələn xəmiri yağlamaq üçün yağı hazırlayın - yağı əridin,duz əlavə edib kənara qoyun.

2 iri soba listini hazırlayıb kənara qoyun.

Xəmiri kündələyib 9 bərabər hissəyə ayırın. Hər hissəni kündələyin.

Biraz un səpilmiş taxtada bir kündəni 50 sm.lik  dairə alınanadək yayın.

Yaydıqca arada un səpin ki, xəmir oxlova yapışmasın,yaymaq rahat olsun. Sonra yuxanı oxlov vasitəsilə kənara qoyun.

4 x/q yağı yuxanın üstünə çiləyib əlinizlə yayın. Qalan kündələrli də bu cür yayıb, üst-üstə yığın. Sonuncudan başqa hamısını yağlayın.(hər sonrakı  kündəni  daha kiçik açıb ondan evvəlkinin üstünə yerləşdirib, kənarlarından çəkə bilərsiniz ki, altdakı yuxanın üstünə tam otursun). Indi isə, ehtiyyatla, lay-lay xəmirin kənarlardan tutub diametri 60 sm olana kimi (yaxud da nə gedərsə, o qədər dartın)

Indi isə, iti bıçaqla, xəmirdən 5 sm enində zolaqlar kəsin, sonar isə zolaqları 30 sm. uzunluğunda düzbucaqlara kəsin. Dairənin qısa tərəflərini kəsməyin. Düzbucağın qısa tərəfindən başlayaraq onu rulet şəklində bükməyə başlayın, daha sonar isə içini aşağıda izah edilən iki üsuldan birini istifadə edərək doldurun.

1ci üsul: ruletin bir ucunu büzüb bağlayın, digər ucu açıq qalsın. Barmağınızla ruletin açıq qalan tərəfini oyun. İçi boş konus alınmalıdır.

2ci üsul (bu üsül xəmiri daha da qat-qat edir): Ruleti əlinizdə hər iki tərərfindən tutaraq 3 dəfə burun (paltar sıxan kimi). Sonra əlinizlə basıb yastılayın. Yastıladığınız kökənin içində oyuq açın (göbğləyin papağına oxşar).

Oyuğun içinə bir x.q yarım içdən doldurun. Kökənin uclarını bir yerə gətirib bağlayın. Kökəni əlinizlə diametri 10 sm olanadək yastıladın.

Qoğalları bir-birindən aralı vəziyyətdə listlərə düzün.

Əvvəlcədən sobanı 180Cdək qızdırın.

Qoğalların mərkəzində barmağınızla dəyaz boşluq açıb oraya bir çimdik iç qoyun.Qoğalların üstünə yumurtanın sarısını çəkin və xaşxaş səpin. 40 dəqidə ərzində, və yaxud üstləri qızaranadək bişirin (20 dəqiqə bişdikdən sonra listlərin yerlərini dəyişin). Qoğal soyuduqdan sonra süfrəyə verin.



 
 
 
 
 
 
 

 

 

 

MEDİATEKA
Videoqalereya Fotoqalereya Nəşrlər
2010-03-01
XARİCDƏ YAŞAYAN AZƏRBAYCANLILAR ÜÇÜN YADDAŞ
VEB LAYİHƏLƏR


Azərbaycan Respublikası Diasporla İş Üzrə Dövlət Komitəsi. All rights reserved