Yeni sədr kollektivə təqdim olunub
"Azərbaycan Respublikası Nazirlər Kabinetinin yeni tərkibi haqqında" Azərbaycan Respublikası Prezidentinin 2018-ci il 21 aprel tarixli Sərəncamına əlavələr edilməsi barədə Azərbaycan Respublikası Prezidentinin Sərəncamı
Nazim İbrahimov Ümumdünya Ukraynalılar Konqresinin sədri ilə görüşüb
Türkiyədəki azərbaycanlılar erməni hərbçilərinin təmas xəttində törətdiyi təxribatı pisləyib
Avropa azərbaycanlıları beynəlxalq təşkilatlara Ermənistanın təxribatları ilə bağlı bəyanat ünvanlayıb
|
DÜNYA AZƏRBAYCANLILARININ I QURULTAYI NÜMAYƏNDƏLƏRİNİN 2001-Cİ İL SENTYABRIN 11-DƏ AMERİKA BİRLƏŞMİŞ ŞTATLARINDA TÖRƏDİLMİŞ QANLI TERROR HADİSƏSİ İLƏ BAĞLI AMERİKA XALQINA MÜRACİƏTİ
Hörmətli xanımlar və cənablar! Dünya Azərbaycanlılarının Azərbaycan Respublikasının paytaxtı Bakı şəhərində keçirilən I Qurultayının nümayəndələri bildirir ki, 2001-ci ilin sentyabrın 11-də Amerikada törədilmiş terror hadisəsi və bu hadisədə həyatını qurban vermiş insanların faciəsi dünyanın bütün tərəqqipərvər insanları kimi biz azərbaycanlıları da hiddətləndirmiş və məyus etmişdir. 2001-ci il noyabrın 9-10-da Bakı şəhərində Dünya Azərbaycanlılarının I Qurultayına toplanmış 37 ölkənin nümayəndələri Azərbaycan Respublikasının Prezidenti cənab Heydər Əliyevin terror hadisəsindən dərhal sonra Amerika xalqına və konqresmenlərinə, Amerikanın Prezidenti cənab Corc Buşa ünvanlandığı müraciətə qoşulur, bu məsələ ilə bağlı onun prinsipial mövqeyini dəstəkləyir. Kütləvi insan faciəsi ilə müşayət olunan terrorizm Azərbaycan xalqına yaxşı tanışdır.1988-ci ildən başlayaraq qonşu Ermənistan və onun millətçi-separatçı qüvvələri tərəfindən dinc Azərbaycan əhalisinə qarşı yüzlərlə belə qanlı terror aktları törədilmişdir. Odur ki, Amerika Birləşmiş Ştatlarında törədilmiş terror hadisələri Azərbaycan xalqı tərəfindən daha kəskin hiddətlə qarşılanmışdır. Qurultay nümayəndələri 11 sentyabr terroru qurbanlarının xatirəsini dərin hüznlə yad edir və Amerika xalqına başsağlığı verir. Əminik ki, Amerika xalqının azadlıq əzmini, sülhsevər və ədalətli mövqeyini heç bir terror aktı ilə sındırmaq olmaz. Ümidvarıq ki, dünya ölkələrinin birgə səyi ilə bütün bəşəriyyət üçün ciddi təhlükə kəsb edən beynəlxalq terrorizm təhlükəsinə birdəfəlik son qoyulacaqdır. Sizə dərin hörmət və məhəbbətlə, dünya azərbaycanlıları”.
Müraciət Dünya Azərbaycanlılarının I Qurultayında qəbul edilmişdir. Bakı şəhəri, 10 noyabr 2001-ci il |
|
MEDİATEKA
|
VEB LAYİHƏLƏR
|
