• 1918-ci il azərbaycanlıların soyqırımının 100 illiyi haqqında  Azərbaycan Respublikası Prezidentinin Sərəncamı1918-ci il azərbaycanlıların soyqırımının 100 illiyi haqqında Azərbaycan Respublikası Prezidentinin Sərəncamı
  • 20 Yanvar faciəsinin qurbanları Gürcüstanda anılıb 20 Yanvar faciəsinin qurbanları Gürcüstanda anılıb
  • ABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə bağlı yeni kampaniyaya başlayıbABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə bağlı yeni kampaniyaya başlayıb
  • Amsterdamda Azərbaycan ilə bağlı geniş təqdimat keçirilibAmsterdamda Azərbaycan ilə bağlı geniş təqdimat keçirilib
  • Daşkənddə Özbəkistandakı Respublika Azərbaycan Milli Mədəniyyət Mərkəzinin (RAMMM) hesabat-seçki konfransı keçirilibDaşkənddə Özbəkistandakı Respublika Azərbaycan Milli Mədəniyyət Mərkəzinin (RAMMM) hesabat-seçki konfransı keçirilib


Avrasiya dövlətləri iqtisadi sammitinin iştirakçılarına


 Hörmətli Sammit iştirakçıları!

Sizi – Avrasiya Dövlətləri On birinci İqtisadi Zirvə Toplantısının iştirakçılarını səmimi qəlbdən salamlayır və toplantının işinə uğurlar diləyirəm.

Türkiyə dövlətinin himayəsi ilə hər il keçirilən Avrasiya İqtisadi Zirvələri xalqlarımız və dövlətlərimiz arasında iqtisadi, siyasi və mədəni əlaqələrin inkişafında mühüm rol oynayır. Toplantıda Avropa, Asiya və Afrikanın onlarca dövlətindən yüksək səviyyəli nümayəndə heyətlərinin, beynəlxalq təşkilatların təmsilçilərinin iştirakı regionumuzda dostluq və əməkdaşlıq münasibətlərinin yaranmasına öz müsbət təsirini göstərir.  

Mərmərə Qrupu Strateji və Sosial Araşdırmalar Vəqfinin daimi təşkilatçılığı ilə keçirilən İqtisadi Zirvələrə Azərbaycan rəhbərliyi həmişə böyük əhəmiyyət vermişdir. Azərbaycanın ümummilli lideri Heydər Əliyev Avrasiya İqtisadi Zirvə Toplantılarını iqtisadi, siyasi və mədəni əlaqələrin inkişafı, türkdilli dövlətlərin əlaqələrinin möhkəmləndirilməsi, regional əməkdaşlığın gücləndirilməsi baxımından daim yüksək qiymətləndirirdi. Əmin ola bilərsiniz ki, Azərbaycanın bugünkü rəhbərliyi də bu xətti dönmədən davam etdirərək, ikitərəfli və regional əməkdaşlığın inkişafı, sülhün və təhlükəsizliyin təmin olunması üçün bütün mövcud imkanlardan istifadə edəcəkdir.

Yaşadığımız müasir dünyanın reallıqları bütün dövlətlərin və xalqların sıx iqtisadi, enerji, humanitar və mədəni əməkdaşlığının qurulmasını, aqressiv separatizmə, terrora, bəşəriyyəti təhdid edən təhlükələrə qarşı birgə mübarizə aparılmasını zəruri etmişdir. Zirvə Toplantısında müzakirəyə çıxarılan enerji, sənaye, ticarət, turizm, sülh dialoqu kimi mövzular da dünyada gedən qloballaşma və inteqrasiya prosesləri baxımından xüsusi maraq doğurur.

Bu gün Türkiyə ilə Azərbaycan arasında strateji müttəfiqlik münasibətləri mövcuddur, bütün sahələrdə əlaqələr uğurla inkişaf edir. Türkiyə və Azərbaycan regional əməkdaşlıq prosesinin fəal və səmimi iştirakçılarıdır. Biz iki ölkənin iqtisadi-enerji imkanlarından və geosiyasi mövqeyindən ikitərəfli və regional əməkdaşlığın genişlənməsi naminə səmərəli istifadə edirik.

Azərbaycan Respublikası hazırda region və dünya dövlətləri ilə geniş iqtisadi və mədəni əlaqələr qurur, bir çox beynəlxalq iqtisadi-enerji və nəqliyyat-kommunikasiya layihələrinin əsas təşkilatçılarından biridir. Dövrümüzün nəhəng mühəndis qurğularından olan Bakı-Tbilisi-Ceyhan neft kəməri, Azərbaycan qazını Avropa bazarına nəql edən Bakı-Tbilisi-Ərzurum qaz xətti, bu yaxınlarda inşasına start veriləcək Bakı-Tbilisi-Qars dəmir yolu regional və beynəlxalq əməkdaşlığa parlaq nümunələrdir. Bu layihələrin tam gücü ilə işləməsi bütün regionun simasını dəyişəcək, burada yaşayan xalqların rifahına və tərəqqisinə xidmət edəcəkdir.

 

Bir daha Zirvə Toplantısının işinə uğurlar diləyir, onun regional və beynəlxalq əməkdaşlıq üçün faydalı olacağına inanıram.  

İlham Əliyev

Azərbaycan Respublikasının Prezidenti.

Bakı şəhəri, 30 aprel 2008-ci il. 

MEDİATEKA
Videoqalereya Fotoqalereya Nəşrlər
2009-10-14
AZƏRBAYCAN-TÜRKİYƏ: BİR MİLLƏT İKİ DÖVLƏT VAHİD DİASPOR
VEB LAYİHƏLƏR


Azərbaycan Respublikası Diasporla İş Üzrə Dövlət Komitəsi. All rights reserved