• Dünya çempionu ilə diaspor təşkilatında görüş keçirilibDünya çempionu ilə diaspor təşkilatında görüş keçirilib
  • Frankfurt Beynəlxalq Kitab Sərgisi çərçivəsində Frankfurt Beynəlxalq Kitab Sərgisi çərçivəsində "Azərbaycan Odlar Yurdu" adlı tədbir keçirilib
  •  Frankfurt Beynəlxalq Kitab Sərgisi çərçivəsində Nizami Gəncəvinin yaradıcılığına həsr olunmuş tədbir keçirilib Frankfurt Beynəlxalq Kitab Sərgisi çərçivəsində Nizami Gəncəvinin yaradıcılığına həsr olunmuş tədbir keçirilib
  • Oktyabrın 9-u dövlətimizin başçısı İlham Əliyevin üçüncü dəfə Prezident seçildiyi gündürOktyabrın 9-u dövlətimizin başçısı İlham Əliyevin üçüncü dəfə Prezident seçildiyi gündür
  • "The Jerusalem Post" qəzetində "Ermənistan Cənubi Qafqazda yox olmaq həddinə çatmış dövlətdir" adlı məqalə dərc olunub


Müsahibələr


Natiq Bağırov: "İdmançılarımız Bakıda yüksək nəticə göstərmək üçün çox ciddi hazırlaşırlar"
2015-06-10 | 12:26 |

Natiq Bağırov:

Natiq Bağırov 2006-ci ildə Azərbaycan Respublikası Prezidentinin Sərəncamı ilə dünya azərbaycanlılarının həmrəyliyi sahəsində fəaliyyətinə görə “Şöhrət” ordeni ilə təltif edilib. Belarus Azərbaycan İcmaları Konqresinin sədri, Avropa Azərbaycanlıları Konqresinin vitse-prezidenti olan Natiq Bağırov eyni zamanda Belarus Respublikasının dzü-do üzrə Milli komandasının baş məşqcisidir. Onun yetirmələrinin qalibiyyət sədaları Avropa, Dünya çempionatlarından, hətta Yay Olimpiya Oyunlarından gəlir. Əməkdar İdman ustasının Bakıda keçiriləcək Birinci Avropa Oyunları ilə bağlı müsahibəsini təqdim edirik:     

 

-         Natiq müəllim, Belarus Birinci Avropa Oyunlarında iştirak edən ölkələr sırasındadır. Belarus Oyunlara necə hazırlaşır?

 

- Belarusda Birinci Avropa Oyunlarına çox ciddi hazırlıq gedir. Bu yaxınlarda Belarus Milli Olimpiya Komitəsində Azərbaycanın Belarusdakı Səfirliyi ilə birlikdə Birinci Avropa Oyunları ilə bağlı tədbir keçirilmişdi. Tədbirdə Oyunlarla bağlı çıxışlar oldu, tanıtım çarxları göstərildi. Həmin çarxlara baxıb, ürəyim olan Azərbaycanımı görəndə qürur hissi keçirirdim.

Ümumiyyətlə, ölkəmiz təkcə sözdə yox, faktla da sübut edir ki, Azərbaycan artıq nəinki Avropada, hətta dünya miqyasında öz yerini tutub. Əminəm ki, Azərbaycan Birinci Avropa Oyunlarını ən yüksək səviyyədə təşkil edib. Bu Oyunların səs-sorağının illər sonra da gələcəyinə inanıram.   

 

-         Maraqlıdır, idmançı həmkarlarınızla Oyunlarla bağlı müzakirələr edirsinizmi? Onların bu yarışlarla bağlı fikirləri necədir?

 

- Bəli, həmkarlarımla söhbətlər edirik. Bu yaxınlarda Bakıdan qayıtmışıq. Belarusdan və dünyanın müxtəlif ölkələrindən olan həmkarlarım söyləyirlər ki, böyük quruculuq işləri Azərbaycanı gözəlləşdirib. Onlar müxtəlif illərdə Azərbaycanda səfərdə olublar və odur ki, aydan-aya, ildən-ilə olan dəyişiklər onları yaxşı mənada təəccübləndirib. Ümumiyyətlə, ölkəmizdən, xalqımızdan ürək dolusu danışırlar.

 

-         Natiq müəllim, sizin baş məşqçisi olduğunuz Belarus idmançılar içində Olimpiya çempionu da var. Birinci Avropa Oyunlarında Belarus idmançılarınız qatılacaqmı?

 

-Bəli, bildiyiniz kimi, mən Belarusda dzü-do üzrə Milli Komandanın baş məşqçisiyəm. Hhazırda doqquz idmançımız Oyunlarda iştiraka vəsiqə qazanıb. İdmançılarımız Bakıda yüksək nəticə göstərmək üçün çox ciddi hazırlaşırlar. Çalışırıq ki, Belarusu ən yüksək səviyyədə təmsil etsinlər. Qeyd edim ki, bu Oyunlarda yüksək nəticə göstərənlər Rio de Janeyroda keçirilən Yay Olimpiya Oyunlarına vəsiqə qazanacanlar. Reytinq xallarına görə biz ciddi hazırlaşırıq və arzu edirik ki, qaliblər arasında bizim də güləşçilər olsun.

 

-         Sədri olduğunuz Belarus Azərbaycan İcmaları Konqresinin Birinci Avropa Oyunları ilə bağlı hər hansı bir tədbiri gözlənilirmi?

 

- Birinci Avropa Oyunlarından əvvəl biz Azərbaycan Mədəniyyəti və Dili Mərkəzində bununla bağlı tədbir keçirəcəyik. Yalnız bizim mərkəzdə yox, azərbaycanlı tələbələr bu Oyunlarla bağlı müxtəlif ali təhsil ocaqlarında da bir sıra tanıtım aksiyaları təşkil edəcəklər. Qeyd edim ki, bizim gənclər təşkilatı bu istiqamətdə çox fəal iştirak edirlər.

 

Ülviyyə Heydərova





2016-12-27 |
2015-07-08 |
2015-06-10 |
2015-01-15 |
2015-01-06 |
2014-12-26 |
2014-09-15 |
2014-09-08 |
2014-08-18 |
2014-08-05 |
MEDİATEKA
Videoqalereya Fotoqalereya Nəşrlər
2009-10-14
AZƏRBAYCAN-TÜRKİYƏ: BİR MİLLƏT İKİ DÖVLƏT VAHİD DİASPOR
VEB LAYİHƏLƏR


Azərbaycan Respublikası Diasporla İş Üzrə Dövlət Komitəsi. All rights reserved